कहकशाँ अन्जुम✍️
नेपालगन्ज / विगत लामो समयदेखि नेपालगन्ज उपमहानगरपालिका भित्र चोरीका घटनाहरु दिनप्रतिदिन बढ्दै गएपछि बाँके प्रहरी सक्रिय रुपमा लागेपछि अहिले चोरहरु धमाधम पक्राउ परिरहेका छन ।
नेपालगन्ज उपमहानगरपालिका वडा नम्बर ८, रानीतलाउ नजिकबाट शनिबार साईकल चोरी गर्ने एक जनालाई प्रहरीले पक्राउ गरेको हो । नेपालगन्जको वडा नम्बर ६ बस्ने ३९ वर्षीय राजेन्द्र वर्मालाई प्रहरीले पक्राउ गरेको छ ।
वडा प्रहरी कार्यालय नेपालगन्जबाट खटिएको प्रहरी टोलिले उनलाई पक्राउ गरि आवश्यक अनुसन्धान एवम् कार्वाही प्रक्रिया अगाडि बढाइएको जिल्ला प्रहरी कार्यालय, बाँकेले जनाएको छ ।
