🔘 कहकशाँ अन्जुम✍️
नेपालगन्ज / अवैध रुपमा भारतबाट भन्सार छली गरी ल्याई बेवारिसे अवस्थामा रहेको अन्दाजी एक लाख मूल्य बराबरको पित्तलको गिलास प्रहरीले बरामद गरेको छ ।
वडा प्रहरी कार्यालय नेपालगन्जबाट खटिएको प्रहरीको टोलीले आइतबार अन्दाजी ११:४० बजेतिर नेपालगन्ज उपमहानगरपालिका वडा नम्बर ३ गौसिया मस्जिद रोड स्थित दुई सय वटा पित्तलको गिलास बरामद गरेको हो ।
वडा प्रहरी कार्यालय नेपालगन्जका अनुसार बरामद गरिएको गिलास आवश्यक कार्वाहीको लागि नेपालगन्ज भन्सार कार्यालय, बाँके पठाईएको बताइएको छ ।
