कहँकशा अन्जुम
नेपालगन्ज / राष्ट्रिय पुस्तकालय दिवसको अवसरमा भोलि वक्तृत्व कला प्रतियोगिता हुने भएको छ । भदौं १३ गते बुधबार जानकी गाउँपालिका वडा नम्बर २ स्थित श्री माध्यमिक विद्यालय जोगागाउँको आयोजनामा वक्तृत्व कला प्रतियोगिता हुने भएको हो ।
पुस्तौ पुस्ताका लागि पुस्तकालय विषयक वक्तृत्व कला प्रतियोगिताका लागि राष्ट्रिय पुस्तकालय दिवसको अवसरमा आयोजित वक्तृत्व कलामा कक्षा १० देखि ६ सम्मका प्रत्येक कक्षाबाट एक जना छात्र र छात्राहरुले भाग लिन पाउने छन् ।
उक्त विषयमा पाँच मिनेटमा बोलिने मुख्य विषय वस्तु समय निर्धारण अनुसार एक मिनेट अगाडि समय संकेत दिने र सोही अनुसार शब्द पूरा गर्नु पर्ने विद्यालयका सहायक कम्प्युटर अपरेटर सकील अहमद राईले जानकारी दिए ।
प्रतियोगितामा प्रथम, दितीय र तृतियलाई शैक्षिक सामाग्री प्रोत्साहन प्रदान गरिने बताइएको छ । वक्तृत्व कलाको निर्णायक समितिका संयोजक मनिसा भण्डारी रहेकि छिन भने निर्णायक सदस्यमा निरज कुमार मिश्रा र अनिल पथिक रहेको राईले बताए ।
