सुर्खेत / लागु औषधसहित बाँकेका एक जनालाई प्रहरीले पक्राउ गरेको छ । नेपालगञ्ज उपमहानगरपालिका वडा नं. ७ का २३ वर्षीय इथान अन्सारीलाई सुर्खेतको वीरेन्द्रनगर स्थित जुम्ला रोडबाट प्रहरीले पक्राउ गरेको हो ।
कर्णाली प्रदेश प्रहरी कार्यालयबाट खटिएको लागु औषध ब्यूरोको टोलीले चेकजाँजका क्रममा अन्सारीले लुकाएर राखेको अवस्थामा ३४० मिलिग्राम लागुऔषध जस्तो देखिने खैरो धुलो बरामद गरिएको जिल्ला प्रहरी कार्यालय सुर्खेतले जानकारी दिएको छ ।
प्रहरीले उनको साथबाट १६ हजार पाँच सय नगद रुपैयाँ पनि बरामद गरेको छ । पक्राउ परेका अन्सारीलाई नियन्त्रणमा लिएर थप अनुसन्धान गरिरहेको प्रहरीको भनाई छ ।
