नेपालगञ्ज । कल्पतरु होटेलले आज विभिन्न कार्यक्रम गरि १०औं बार्षिकोत्सब समारोह मनाएको छ । होटेलले आफ्नो १०औं वार्षिकोत्सबको अवसरमा स्थानीय सडक, सार्वजनिक क्षेत्र र होटल वरपरको वातावरण सफा राख्ने उद्देश्यले आइतबार बिहानै बृहत सरसफाइ कार्यक्रमको आयोजना गरेको हो ।
होटेल कल्पतरु प्रा.लि.का अध्यक्ष दिपु बैश्यको अध्यक्षता तथा नेपालगञ्ज उद्योग बाणिज्य संघका अध्यक्ष टंक बहादुर धामीको प्रमुख आतिथिमा बार्षिकोत्सब समारोह मनाएका हुन ।
नेपालगञ्ज उद्योग बाणिज्य संघका अध्यक्ष टंक बहादुर धामी, प्रमुख अतिअय्हि नेपालगञ्ज उद्योग बाणिज्य संघका पूर्व अध्यक्षद्वय कृष्ण प्रसाद श्रेष्ठ र नन्दलाल बैश्य, नेपाल पत्रकार महासंघ बाँकेका अध्यक्ष नवीन गिरी, नाट्टा बाँकेका अध्यक्ष डिल्ली रेग्मी, निवर्तमान अध्यक्ष श्रीराम सिग्देल, उपभोक्ता अधिकारकर्मी बसन्त गौतम लगायतले शुभकामना ब्यहक्त गरेका थिए ।
शुभकामना दिँदै अतिथिहरुले होटेलले आफ्नो पहिचान स्थापित गर्न सफल भएको जानकारी दिए । उनीहरुले आगामी दिनमा सेवाको गुणस्तर बृद्धि गर्दै यस क्षेत्रको पर्यटन प्रबद्र्धनमा योगदान गर्न सुझाव दिए ।
कल्पतरु होटेलको सुरुवातदेखि नै टिमको नेतृत्व गर्दै आएका होटेलका अध्यक्ष दिपु वैश्यले आगामी योजना बारे जानकारी दिँदै भविष्यमा कर्णाली प्रदेश र सुदूरपश्चिमका धनगढीमा समेत होटलको शाखा विस्तार गर्ने जानकारी दिए । उनका अनुसार गुणस्तरीय सेवा, पर्यटन प्रवद्र्धन र स्थानीय रोजगारीलाई प्राथमिकतामा राख्दै होटल अगाडि बढ्ने बताए ।
दशौँ वर्ष पूरा गरी अब एघारौँ वर्षमा प्रवेश गरेको अवसरमा कल्पतरु होटल परिवारले सबै साझेदार, ग्राहक, कर्मचारी तथा शुभेच्छुकप्रति धन्यवाद व्यक्त गर्दै निरन्तर सेवा र जिम्मेवार व्यवसायिकताका साथ अघि बढ्ने प्रतिवद्धता व्यक्त गरेको छ ।
होटलकी मानव संशाधन विभाग प्रमुख शिवानी गुप्ताले आगामी योजनाका बारेमा जानकारी गराएकी थिइन् । बार्षिकोत्सबको अवसरमा कल्पतरु परिवारले सडक सरसफाई पनि गरेको पन्थीले जानकारी दिए ।कल्पतरु चार तारे होटेल हो ।
