कहकशाँ अन्जुम✍️
बाँके । नेपालगन्ज उपमहानगरपालिका वडा नम्बर ८ स्थित नि:शुल्क एक दिने थाईराइड परीक्षण शिविरमा ढेड सय बढीले स्वास्थ लाभ लिनुभएको छ ।
नेपालगन्जको महेन्द्र पार्कस्थित शहरी स्वास्थ्य केन्द्रमा शनिबार बिहान करीब साढे १० बजेदेखि शुरु भएको थाईराइड परीक्षण शिविरमा १ सय ५५ जनाले स्वास्थ्य लाभ लिनुभएको वडा नम्बर ८ का वडा अध्यक्ष रजनिस बाजपेयी (विबेक)ले जानकारी दिनुभयो ।
अध्यक्ष बाजपेयीका अनुसार पछिल्लो चरण थाइराइडका बिरामी बढ्दै गएपछि रोकथामका लागि थाईराइड परीक्षण शिविर कार्यक्रम सन्चालनमा ल्याइएको बताए । आउने दिनमा यस्ता स्वास्थ्य सम्बन्धी नि:शुल्क शिविर कार्यक्रम ल्याउँने समेत उहाँले बताउनुभयो ।
वडा नम्बर ८ को आयोजना र नेपाल औषधि तथा बिक्रि प्रतिनिधि संघ नेपालगन्ज इकाईको सहकार्य तथा सुपर पोलिक्लिनिक नेपालगन्जको सहयोगमा थाईराइड परीक्षण शिविर गरिएको थियोे ।
