नेपालगन्ज । माध्यमिक शिक्षा परीक्षा (एसइई) आज देखि शुरु हुँदैछ । चैत १५ गते बिहीबार देखि सञ्चालन हुने यस वर्षको एसईई परीक्षामा बाँकेबाट नौ हजार दुई सय ९३ जना परीक्षार्थी सहभागी हुँदैछन । परीक्षा बिहान ८ बजेदेखि शुरु हुनेछ ।
शिक्षा विकास तथा समन्वय इकाई बाँकेका अनुसार बिहिवारदेखि सञ्चालन हुने एसईई परीक्षामा चार हजार सात सय ६३ छात्र र चार हजार पाँच सय ३० जना छात्रा सहभागी हुँदैछन् । बाँकेमा ३४ वटा परीक्षा केन्द्र तोकिएको छ ।
नेपालगञ्ज उपमहानगरपालिकामा ९ वटा, कोहलपुर नगरपालिकामा १० वटा, बैजनाथ, राप्तीसोनारी र खजुरा गाउँपालिकामा ४-४ वटा, डुडुवा, नरैनापुर र जानकी गाउँपालिकामा १-१ वटा परीक्षा केन्द्र रहेको शिक्षा विकास तथा समन्वय इकाई बाँकेले जनाएको छ ।
