बाँके । नेपालगन्ज उपमहानगरपालिकाले भ्रमणका नाममा अनुत्पादक क्षेत्रमा सरकारी खर्च गरेको पाईएको छ । गत आर्थिक वर्षमा मात्रै उपमहानगरपालिकाले भ्रमणका नाममा कुल ५५ लाख बढी खर्च गरेको पाईएको हो ।
उपमहानगरपालिकाले गत आर्थिक वर्ष २०७९\ ८० मा भ्रमणका नाममा मात्रै ५५ लाख ५३ हजार २ सय ६५ रूपौयाँ खर्च गरेको छ । स्रोतका अनुसार उपमहानगरपालिकाले भ्रमणका लागि तीन शिर्षक उल्लेख गरेको छ ।
पहिलो शिर्षक ‘भ्रमण खर्च’ उल्लेख गरेको उपमहानगरपालिकाले यो शिर्षकको भ्रमण खर्च ५० लाख ७९ हजार २ सय ६५ रुपैयाँ खर्च गरेको उल्लेख छ । यस्तै दोस्रो शिर्षकमा ‘विशिष्ट व्यक्ति तथा प्रतिनिधि मण्डलको भ्रमण खर्च’मा ३ लाख ७५ हजार उल्लेख छ ।
त्यस्तै तेस्रो शिर्षकमा ‘अन्य भ्रमण खर्च’ भनेर थप बजेट खर्च गरेको छ । यो शिर्षकको भ्रमण खर्च ९९ हजार रुपैयाँ छ । तीन शिर्षकमा भ्रमण खर्च छुट्याएको उपमहानगरपालिकाले कुनै पनि शिर्षकको भ्रमणको उद्देश्य भने नखुलाएको स्रोतले जनाएको छ । – Our Tourism News (को सहयोगमा)
