नेपालगञ्ज / नेपाल आयल निगमले इन्धनको मूल्य घटाएको छ । नयाँ मुल्य अनुसार निगमले बिहिवार मध्यराति १ बजेदेखि लागू हुने गरी डिजेल, मट्टितेल र पेट्रोलको मूल्य घटाएको हो । पेट्रोलमा प्रतिलिटर २ रुपैयाँ र डिजेल तथा मट्टितेलमा प्रतिलिटर ४ रुपैयाँ मूल्य घटाएको छ । एलपी ग्यासको मूल्य भने यथावत छ ।
नयाँ मूल्य अनुसार चार आली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगञ्ज डिपोको १५ किलोमिटर क्षेत्रमा पेट्रोलको मूल्य प्रतिलिटर १६७ रुपैयाँ ५० पैसा पर्नेछ । सुर्खेत र दाङ क्षेत्रमा १६९ रुपैयाँ तथा काठमाडौं, पोखरा र दिपालय डिपोको १५ किलोमिटर क्षेत्रमा प्रतिलिटर पेट्रोलको मूल्य १७० रुपैयाँ पर्ने छ ।
डिजेल र मट्टितेल भने क्रमशः प्रतिलिटर १५७ रुपैयाँ ५० पैसा, १५९ रुपैयाँ र १६० रुपैयाँ पर्नेछ । एलपी ग्यासको मूल्य देशभर प्रतिसिलिण्डर १८९५ रुपैयाँ नै कायम रहेको निगमले जारी गरेको विज्ञप्तिमा उल्लेख छ ।
हेर्नुहोस् आयल निगमको सूचना: 
