नेपालगन्ज / विभिन्न धर्मगुरुसहित आज बिहानै नेपालगन्जमा सद्भाव र्याली निकालिएको छ । सामाजिक सद्भाव नेपालगन्जको पहिचान भएकाले यसलाई अझै प्रगाढ बनाउन विभिन्न धर्मगुरुसहितको सद्भाव र्याली निकालिएको हो ।
नेपालगन्जस्थित वीपी चोकबाट शुरु भएको सद्भाव र्याली नगरका विभिन्न भागको परिक्रमा गरेको थियो । र्यालीमा राजनीतिक दल, नागरिक समाजका अगुवा लगायतले सामाजिक तथा धार्मिक सद्भावलाई थप बलियो बनाउन आम नगरबासी र जिल्लावासीमा अपिल गर्नुभएको छ ।
र्यालीमा विभिन्न धर्मावलम्बीहरु, राजनीतिक दल, नागरिक समाज सम्मिलित सद्भाव र्याली प्रदर्शन गरिएको प्रमुख जिल्ला अधिकारी विपिन आचार्यले जानकारी दिनुभयो । ‘सामाजिक र धार्मिक सद्भाव विरुद्ध गतिविधि गर्नेलाई कानुन अनुसार कारबाही गर्ने र सामाजिक तथा धार्मिक सद्भाव कायम राख्न सबैले आफ्नो स्थानबाट सहयोग गर्नुृपर्ने उहाँको भनाइ छ ।
