काठमाडौं / अवैध रूपमा विदेशी विनिमय (अमेरिकी डलर) को कारोबार गरेको अभियोगमा प्रहरीले एक जनालाई पक्राउ गरेको छ । ललितपुर महानगरपालिका वडा नं. १७ ग्वार्को बस्ने ३४ वर्षीय सनमोहन श्रेष्ठलाई प्रहरीले मंगलबार पक्राउ गरेको हो ।
विशेष सूचनाको आधारमा काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरी टोलीले श्रेष्ठलाई ललितपुर महानगरपालिका वडा नं. ६ वकुवहालबाट अमेरिकी डलर १ सय दरको १ सय ९८ थानसहित पक्राउ गरेको प्रहरीले जनाएको छ ।
उनलाई विदेशी विनिमय सम्बन्धी कसूरमा थप आवश्यक अनुसन्धान कारवाहीको लागि राजस्व अनुसन्धान विभाग पुल्चोक ललितपुरमा पठाइएको छ ।
