नेपालगन्ज / बाँकेस्थित जानकी गाउँपालिकाले दिएको गर्मी बिदा संशोधन गरिएको छ । केही दिनयता लगातार बाँकेमा अत्यधिक गर्मी बढ्दै गएपछि जानकी मातहतका विद्यालयमा दिएको ३ दिने गर्मी बिदा संशोधन गरिएको हो ।
बालबालिकाहरुको स्वास्थ्यलाई मध्यनजर गर्दै शिक्षा शाखा प्रमुख कृष्णा कुमारी भण्डारीले शुक्रबार एक विज्ञप्ति जारी गरि जानकी गाउँपालिका मातहतका सम्पूर्ण विद्यालय एक साताका लागि बन्द गर्ने निर्णय गरेको बताउनुभयो ।
यहीँ जेष्ठ १८ गते बिहिवार जानकी गाउँपालिका गाउँ कार्यपालिकाको बसेको बैठकले वर्षे विदाबाट कट्टा हुने गरि जेष्ठ १९ गतेदेखि २१ गतेसम्म ३ दिन गर्मी विदा दिएकोमा सो बिदा २६ गतेसम्म थप गरिएको विज्ञप्तिमा उल्लेख छ ।
