साहिल शेष
खजुराखुर्द / बाँकेको जानकी गाउँपालिका वडा नम्बर ४ मा एक महिने आधारभूत ब्यूटिशियन तालिम सम्पन्न भएको छ ।
शुक्रबार मिलाप संस्था नेपालगन्जको आयोजनामा र जानकी गाउँपालिका ४ नम्बर वडा कार्यालयको आर्थिक सहयोगमा एक महिने आधारभूत ब्यूटिशियन तालिम सम्पन्न भएको हो ।
मिलाप संस्थाका कार्यकारी निर्देशक राजेन्द्र बहादुर सुनारको सभापतित्व तथा गाउँपालिका अध्यक्ष छब्बन खाँको प्रमुख आतिथ्यतामा कार्यक्रमको उद्घाटन गरिएकाे थियाे ।
कार्यक्रममा बाेल्दै अध्यक्ष खाँले जानकी गाउँपालिका क्षेत्रमा गरिएको याे कार्यक्रम सराहनीय रहेकाे बताउनुभयाे । पालिकाले यस्ता कार्यक्रमका लागि संधै सहयाेग गर्ने प्रतिबद्धता जनाउनुभयाे ।
उहाँले पछिल्लो समय महिला पुरूषबीच काममा गरिने भेदभाव कम भएकाेले महिलाहरूलाई पनि स्वतन्त्र रूपमा परिवार सक्षम बनाउन अघि बढेकाे प्रति खुशी समेत व्यक्त गर्नुभयाे ।
वडा न ४ का वडा अध्यक्ष रमेश कुमार बर्मासमेतकाे उपस्थिति रहेकाे कार्यक्रममा बाेल्दै वडा सचिव शिव बहादुर थापाले तालिमकाे सही सदुपयोग हुनुपर्ने कुरामा जोड दिनुभयो ।
एक्लैले व्यवसाय गर्न गाह्रो हुने तर दुई वा दुईभन्दा बढि मिलेर व्यवसाय गर्दा भने सजिलाे हुने र वडा तथा पालिकाले समेत सहयाेग गर्न सक्ने थापाले बताउनुभयो ।
कार्यक्रमलाई समापन गर्दै जानकी गाउँपालिका प्रमुख प्रशासकीय अधिकृत बस बहादुर रानाले पालिकामा याे कार्यक्रम प्रेरणादायी हुने र यसले उद्यमतर्फ सक्रिय बनाउने बताउनुभयो ।
सहभागीहरूले एक महिनाकाे तालिम कम भएकाे भन्ने भनाई प्रति उहाँले भाेलिका दिनमा पालिका याे कार्यक्रमका लागि साेच्ने बताउनुभयो ।
समापन कार्यक्रममा मिलापका कर्माचारी, प्रशिक्षक पुजा केसी लगायत २१ जना प्रशिक्षार्थी गरि करीब ४० जनाको उपस्थिति रहेको थियो । कार्यक्रमलाई सृजना गैरेले संचालन गर्नुभएको थियाे ।
