बाँके । जनकपुरमा हिन्दु समुदाय र प्रहरीसँग भएको झडपमा गोली चलेको छ । आइतबार हिन्दु समुदाय र प्रहरीबीच भएको झडपमा प्रहरीले गोली चलाउँदा एकजना घाइते भएका छन ।
प्रहरीसँगको झडपमा देवपुरा रुपैठाका २९ वर्षीय लक्ष्मण मुखियाको दुवै घुँडामा गोली लागेर घाइते भएका हुन । प्रहरीका अनुसार घाइते मुखिया प्रादेशिक अस्पताल जनकपुरमा उपचारार्थ छन ।
झडपमा सातजना प्रहरी र केही सर्वसाधारण घाइते भएका छन् । घाइते प्रहरीको प्रादेशिक अस्पताल जनकपुरमा उपचार भइरहेको जनाएको छ ।
जनकपुरधाम उपमहानगरपालिका वडा नम्बर २० देवपुरा रुपैठामा शनिबार झण्डाचोकमा रहेको टावरलाईट जडान भएको पोलमा लगाएको हरियो झण्डा हटाउने विषयमा दुई पक्षबिच विवाद उत्पन्न भएको हो ।
अगामी भदौ २० गते इस्लाम पैगम्बर हजरत मोहम्मद (सल.) को शुभजन्मोत्सवको उपलक्ष्यमा उक्त पोलमा लगाएको हरियो झण्डा हटाउने क्रममा दुई समुदायबीच झडप भएको थियो ।
