नेपालगन्ज / गएराती एक ग्रिल उद्योगमा चोरी भएको छ । नेपालगन्ज उपमहानगरपालिका वडा नं. ९ स्थित चारवाहिनी चौकमा रहेको रियाज ग्रिल उद्योगमा शुक्रबार राती चोरी भएको हो ।
उद्योगका सन्चालक रियाज शेषका अनुसार शुक्रबार रातीको समयमा उद्योगबाट विभिन्न सामान चोरी भएको जानकारी दिए । वेल्डिङ मेसिन १ थान गिलेन्डर मेसिन १ थान, तार लिड, होल्डर लगायत सामान चोरी भएको बताए ।
सामान चोरी भएपछी आवश्यक कारवाहीका लागि सम्बन्धित निकायमा जानकारी गराइएको बताइएको छ । चोरको पहिचानका लागि उनले आफनो तर्फबाट विशेष पहल गरिरहेको र चोर गिरोहले सामान बेच्न आएमा सामान नकिनिदिनु हुन ग्रिल उद्योग व्यवसायीलाई आग्रह समेत गरेका छन ।
