नेपालगन्ज / भन्सारको ब्यरियरमा मोटरसाइकल ठोक्किँदा प्रहरी जवानको मृत्यु भएको छ । नेपालगन्ज उपमहानगरपालिका वडा नं. १५ स्थित भन्सारको ब्यरियरमा मोटरसाइकल ठोक्किँदा (चालक) प्रहरी जवान होम बहादुर झेडीमगरको मृत्यु भएको हो ।
जमुनहाबाट भन्सार कार्यालयको चेक पोस्टमा ड्युटीका लागि आउँदै गरेको भे ७ प ८५५१ नम्बरको (आर टी आर) निलो रंगको मोटरसाइकल मंगलबार राति करिब २ बजेतिर भन्सार ब्यरियरमा ठोक्किएर उनी गम्भीर घाइते भएका थिए । उपचारको क्रममा बुधबार भेरी अस्पताल नेपालगन्जमा उनको मृत्यु भएको छ ।
नेपालगन्ज भन्सार कार्यालयको सुरक्षा गार्डमा कार्यरत प्रहरी जवानको मोटरसाइकल अनियंत्रित भैइ भन्सारको ब्यरियरमा ठोकिएको प्रहरी जनाएको छ ।
