साहिल शेष
नेपालगन्ज / नेपाल पत्रकार महासंघ बाँके शाखाका पुर्वअध्यक्ष प्रेम केसीको ममतामयी आमा सरस्वती केसीको निधन भएको छ । नेपाल प्रेस युनियनका उप–महासचिव समेत रहेका केसीको ममतामयी आमाको ७० वर्ष उमेरमा आज असामयिक निधन भएको हो ।
पारिवारिक स्रोतकाअनुसार केही समयदेखी मधुमेह रोगले उहाँ पीडित हुनुहुन्थ्यो । नेपालगन्ज मेडिकल कलेज, शिक्षण अस्पताल नेपालगन्जमा उपचारको क्रममा शुक्रवार बिहान करीब साढे ८ बजे निधन भएको बताएको छ ।
यसैबीच नेपाल प्रेस युनियन बाँके शाखाका सचिव विजय मल्लले एक बिज्ञप्ति जारी गरि पुर्वअध्यक्ष प्रेम केसीको ममतामयी आमाको निधन प्रति युनियन परिवार स्तब्ध भएको छ ।
यस दुखद् घडीमा दिवंगत आत्माको चिर शान्तिको कामनासहित हार्दिक श्रद्धाञ्जली प्रकट गर्दछौं । साथै शोक सन्तप्त परिवारजनमा धैर्य धारण गर्ने शक्ति मिलोस् भनि हार्दिक समवेदना प्रकट गरेका छन । मृत आत्माले स्वर्गमा वास पाओस् भनि न्युज फ्ल्यास खबर डटकम परिवार ईश्वरसंग कामना गर्दछ ।
