अञ्जली राजी ✍️ नेपालगन्ज / ६३ औं त्रिभुवन विश्वविद्यालय स्थापना दिवस शुक्रबार महेन्द्र बहुमुखी क्याम्पस नेपालगन्जमा सभ्य र भब्यताका साथ मनाइएकाे छ । महेन्द्र बहुमुखी क्याम्पस नेपालगन्जका क्याम्पस प्रमुख लालमणि आचार्यले त्रिभुवन विश्वविद्यालयको झन्डा क्याम्पसको प्रांगणमा फहराइएर मनाइएको हो ।
दिवसको अवसरमा क्याम्पस प्रमुख, शिक्षक / शिक्षिका, कर्मचारी, पदाधिकारी एवम् विद्यार्थीहरुले क्याम्पसमा मोरिङ्गा, फरेट, खएर, सागुन र लिप्टिस जस्ता बिरुवाहरू बृक्षा रोपण गरि स्थापना दिवस मनाइएका हुन ।
स्थापना दिवसको अवसरमा बोल्दै विभिन्न आरोह अवरोह पार गर्दै, त्रि.वि.ले नेपाल र नेपालीहरुको ईच्छा, चाहनालाई समेट्दै नेपालीहरुका सपना साकार पार्नका लागि शिक्षा क्षेत्रमा उल्लेखनीय भूमिका खेलेको क्याम्पस प्रमुख लालमणि आचार्यले बताउनुभयो ।
देशमा उच्च शिक्षा प्रदान गर्ने नेपालमा एघार वटा विश्वविद्यालय, चार वटा प्रतिष्ठान स्थापना भएता पनि उच्चशिक्षामा करिब ८० प्रतिशत भार बोक्ने मुलुककै अग्रणी शैक्षिक संस्था त्रिभुवन विश्वविद्यालय नै हो ।
त्रिभुवन विश्वविद्यालयको स्थापना बि.सं. २०१६ सालमा भएको थियो ।
