नेपालगञ्ज । बाँकेका तीनवटै निर्वाचन क्षेत्रका मतगणना बिहीबार मध्यरात १२ बजेदेखि सुरु भएको छ । मतपेटिका संकलन कार्य सकिएपछि सर्वदलीय बैठक बसेर मतगणना सुरु गर्ने निर्णय भएको हो ।
मत गणनास्थल बाँके क्षेत्र नम्बर १ को अगैयास्थित राप्ती सोनारी गाउँपालिका कार्यालयको सभाहल, क्षेत्र नम्बर २ को नेपालगन्जस्थित भेरी प्राविधिक शिक्षालय र क्षेत्र नम्बर ३ को खजुरास्थित कपास विकास समितिको कार्यालयलाई तोकिएको छ ।
बाँकेको तीनवटै निर्वाचन क्षेत्रमा गरेर कुल २ लाख २२ हजार ३ सय ६६ मत खसेको जिल्ला निर्वाचन कार्यालय बाँकेका प्रमुख टेकबहादुर शाहीले बताउनुभयो । मतगणना स्थल बाहिर सर्वसाधारणको ठूलो भीड लागेको छ ।
