मानपुर । नेपालगन्ज – खजुरा सडकखण्डमा सोमबार मोटरसाइकल दुर्घटना हुँदा एक युवकको मृ-त्यु भएको छ । बाँकेको जानकी गाउँपालिका वडा नम्बर ३ मानपुरस्थित सडकको डिभाइडरमा मोटरसाइकल ठोक्किएर कमलेश यादवको मृ-त्यु भएको हो ।
खजुराबाट नेपालगन्जतर्फ जाँदै गरेको भे ४ प ७४८५ नम्बरको मोटरसाइकल दुर्घटना हुँदा खजुरा गाँउपालिका ७ का २५ वर्षिय कमलेश यादवको मृ-त्यु भएको प्रहरीले जनाएको छ ।
तीब्र गतिमा रहेको मोटरसाइकल अनियन्त्रित भई सडकको डिभाइडर (पर्खाल)मा ठोक्किएर दुर्घटना भएको बाँके प्रहरी प्रवक्ता डीएसपी दिपक पतालीले बताए । दुर्घटनामा खजुरा गाँउपालिका वडा नम्बर ७ कै स्थानीय सुनिल राढ घाइते भएका छन् ।
घाइतेको नेपालगन्जमा उपचार भइरहेको डीएसपी पतालीले बताए । दुर्घटना सम्बन्धमा अनुसन्धान भइरहेको प्रहरीले जनाएको छ ।
