नेपालगन्ज । नेपालगन्जको मुख्य बजार त्रिभुवन चोकमा ठूलाठूला थुंगासहितको सयपत्री फुल र मख्मली फुल किनेमेल गर्ने र बेच्नेहरुको भिडभाड लागेको छ । लक्ष्मीपूजा, कुकुर, गाई, गोरुको पूजाका लागि सयपत्री फूल किनेमेल गर्ने र बेच्नेहरुको भिडभाड लागेको हो ।
तिहरमा दिदिबहिनीले सप्तरंगी टिकासँगै मखमली, सयपत्री र गोदावरीको माला लगाउने र घर-कार्यालय सजाउनका लागि सयपत्रीको फूल प्रयोग गर्ने प्रचलन रहि आएको छ ।
नेपालमा तिहारको समयमा सयपत्रीको माला बढी प्रयोग हुन्छ । आकर्षक देखिने भएकाले अन्य फूल भन्दा यो धेरै लोकप्रिय छ । निकै नै मन्द, कस्तूरी झैं गन्ध आउने यो फूललाई संस्कृति भाषामा स्थलपद्यम् नामले चिनिन्छ ।
