नेपालगन्ज / केही दिनयता बाँकेमा अत्यधिक गर्मी बढेपछि मोबाईलमा भएका एप्समा तापक्रम बढी देखाइएको छ । मोबाईल एप्सका अनुसार दुई दिनयता नेपालगन्जमा तापक्रम ४५ भन्दा माथि देखाइएको हो । जुन बास्तविकतासंग मिल्दैन ।
जल तथा मौसम विज्ञान विभागका अनुसार आज (शनिबार) बाँके बर्दियामा तापक्रम ४१ डिग्री आसपास रहेको बताइएको छ । आज करिब साढे ४ बजेतिर राझाँमा ४०.२, खजुरामा ४०.५ र गुलरियामा ४० डि.से. तापक्रम छ । शुक्रबार ४१.५ र बिहिवार ४१.८ डिग्री सेल्सियस रहेको थियो ।
नेपालमा अहिलेसम्म सबैभन्दा धेरै तापक्रम २०५२ असार २ गते कैलालीको धनगढीमा ४६.४ डिग्री सेल्सियस मापन गरिएको थियो ।
