कहँकशा अन्जुम✍️
नेपालगन्ज / खैरो ब्राउन सुगरसहित एक युवक रङ्गेहात पक्राउ परेका छन । छिमेकी राष्ट्र भारतसंग सिमा जोडिएको नेपालगन्जस्थित जमुनाहा नाकाबाट दाङ घोराही उपमहानगरपालिका – १४ नयाँ बजार बस्ने १९ वर्षीय महेन्द्र बुढा मगर खैरो ब्राउन सुगरसहित रङ्गेहात पक्राउ परेका हुन ।
बिहिवार भारतबाट नेपालतर्फ पैदल आउँदै गरेका बुढा मगरलाई जमुनाहा चेक पोस्टमा चेकजाँचका क्रममा ९ ग्राम खैरो ब्राउन सुगरसहित फेला परेको ईलाका प्रहरी कार्यालय जमुनाहाका ईन्चार्ज वरिष्ठ सई पुर्ण बिकले जानकारी दिनुभयो ।
वरिष्ठ सई बिकका अनुसार जमुनाहबाट खटिएको प्रहरी टोली र लागु औषध नियन्त्रण ब्युरो नेपालगन्जबाट खटिएको संयुक्त प्रहरी टोलीले बुढा मगरमाथि शंका लागि चेकजाँच गर्दा पाईन्टको गोजीमा लुकाई छिपाई ल्याउँदै गरेको खैरो ब्राउन सुगर जस्तो देखिने धुलो पादार्थ शुद्ध तौल ९ ग्राम लागू औषध फेला परेको बताए ।
पक्राउ परेका बुढा मगरलाई जिल्ला प्रहरी कार्यालय बाँकेले नियन्त्रणमा लिई आवश्यक अनुसन्धान भईरहेको बताइएको छ ।
