नेपालगन्ज / इस्लाम धर्मावलम्बीहरूको ईदुल अजहा अर्थात बकरा ईदको सार्वजनिक बिदा दिने निर्णय गरेको छ । सरकारले मुस्लिम समुदायको दोस्रो ठुलो पर्व बकरा ईदको अवसर पारेर आइतबार सार्वजनिक बिदा दिने निर्णय गरेको हो ।
बुधबार गृह मन्त्रालयले एक सूचना जारी गर्दै नेपाल राजपत्रमा प्रकाशित आइतबार असार २६ गते देशभरी सार्वजनिक बिदा कायम गर्ने निर्णय गरेको विज्ञप्तिमा उल्लेख गरिएको छ ।
मुस्लिम समुदाय २०७९ को पर्व असार २६ गते परेकोले मुस्लिम आयोगले सिफारिस पठाए अनुसार आइतबार सार्वजनिक बिदा तोकिएको गृह मन्त्रालयका प्रवक्ता सहसचिव फणिन्द्रमणि पोखरेलले विज्ञप्ति मार्फत जनाएको छ ।
