जानकी गाउँपालिका बेलहरी स्थित ५ नम्बर वडा कार्यालयको आयोजनामा जेष्ठ नागरिकलाई टर्च लाईट तथा च्वनप्राश वितरण कार्यक्रम सम्पन्न गरेका छन् ।
वडा नम्बर ५ को ७५ वर्ष पूरा भएका वृद्ध-वृद्धालाई लक्षित गरि जेष्ठ नागरिकलाई सम्मान स्वरूप चार्जिङ टर्च लाईट तथा च्वनप्राश वितरण कार्यक्रम मंगलबार सम्पन्न गरेका हुन् ।
बिहानी युवा क्लब जानकी गाउँपालिका बाँकेको सहकार्यमा र वडा नम्बर ५ का वडा अध्यक्ष टीकानाथ यादवको सभापतित्वमा कार्यक्रमको आयोजना गरिएको हो ।
कार्यक्रमको प्रमुख अतिथी समेत रहेका जानकी गाउँपालिका अध्यक्ष छब्बन खानले कार्यक्रमको उद्घाटन गर्दै किसानलाई धान खेतीका बेला मल उपलब्ध नभएपछि खेती किसानीको कार्य प्रभावित भएको दुखि भएका छन । उनले यसलाई गम्भीरतापूर्वक लिएका छौं, हामीले सम्बन्धित निकायसँग समन्वय गरेर छिटोछरितो समस्याको समाधान गरिने अध्यक्ष खाँले बताउनु भयो ।
सो कार्यक्रममा वडा सचिव अन्जु लामा, वडा सदस्य जुल्फिकार सिद्धिकी र मो. सरीफ खानले १ सय जनालाई सामाग्री हस्तान्तरण गरेको वडा अध्यक्ष यादवले बताए । यसैगरी कार्यक्रमको अन्तमा उपस्थित सबै जनालाई तरकारीको बीउ वितरण गरेको वडा अध्यक्ष टिकानाथ यादवले न्युजफ्ल्यास खबरलाई जानकारी दिए ।
उक्त कार्यक्रमको समापन वडा अध्यक्ष यादवले गरेका थिए भने १ सय ५० बढि महिला तथा पुरुषको सहभागिता रहेको थियो ।
