बैतडी । बैतडीको डिलासैनी गाउँपालिका वडा नम्बर -६ चम्तडीमा एक शिक्षकको आज मृत्यु भएको छ । बैतडीको दोगडाकेदार गाउँपालिका वडा नम्बर -४ (कोपिन्डा) का २८ वर्षीय शिक्षक विष्णु दत्त भट्टको यात्रुबाहक बसको ढोकाबाट खसेर शनिबार मृत्यु भएको हो ।
दार्चुलाको शैल्यशिखर नगरपालिका वडा नम्बर-९ गोकुलेश्वरमा अवस्थित चौलानी बोर्डिङ स्कुलमा कार्यरत शिक्षक भट्टको मृत्यु भएको इलाका प्रहरी कार्यालय गोकुलेश्वरका प्रहरी निरीक्षक किशोर सिंह ऐरीले जानकारी दिनुभयो ।
