काठमाण्डौ । त्रिभुवन अन्तर्राष्ट्रिय विमानस्थल स्तरोन्नतिका कारण सीमित उडान भएपछि बुध्द एयरले भद्रपुर तथा पोखराबाट अतिरिक्त उडान थालेको छ । बुध्द एयरले रात्रिकालीन उडानलाई थप सहज बनाउँदै विभिन्न गन्तव्यको भाडादर बिहान, दिउँसोको दाँजोमा भाडादर घटाएको हो ।
पोखराका लागि ५००, भद्रपुर तथा नेपालगञ्जका लागि १००० तथा जनकपुरधामका लागि ८०० रुपैयाँ भाडादर घटाएका हुन ।
त्यसैगरी सातामा पोखराबाट नेपालगञ्जको तीन उडान हुने गरेकोमा बुध्द एयरले दैनिक उडान थालेको छ । भद्रपुरबाट पोखराका लागि दैनिक १ अतिरिक्त उडान थप गरेको हो ।
यसैगरी भैरहवामा अन्तर्राष्ट्रिय एयरलाइन्सको उडानले थप आर्थिक चलायमान हुने तथा पर्यटनलाई टेवा पुग्नेछ । काठमाडौं वा पोखराबाट अन्तर्राष्ट्रिय उडानका लागि भैरहवा आउजाउ गर्ने यात्रुलाई बुध्द एयरले हरेक फेयरमा २५ केजी लगेज पनि छुट दिएको छ।
