Close sidebar

एसियन गेम्सका लागि करातेको छनोट १५ गतेदेखि हुने

२०७९ बैशाख १० गते, शनिबार १५:२९

१० वैशाख, काठमाडौं । आगामी सेप्टेम्बरमा चीनमा आयोजना हुने १९औं एसियाली खेलकुदका लागि कराते खेलको छनोट यही वैशाख १५ देखि १७ गतेसम्म हुने भएको छ ।

नेपाल कराते महासंघले शुक्रबार सुचना जारी गर्दै तीन दिनको छनोट प्रतियोगिता हुने जानकारी गराएको छ । बृहत खुल्ला छनोट प्रतियोगिता चितवनको भरतपुरमा हुने महासंघले जनाएको छ ।

एसियन गेम्स चीनको होन्झोउमा सेप्टेम्बर १० देखि २५ सम्म आयोजना हुँदैछ ।

शुक्रबारै नेपालले एसियन गेम्समा सहभागिता जनाउने २३ खेलको टुंगो लागेको छ । त्यस निर्णयपछि कराते महासंघले पनि छनोट प्रतियोगिता गर्न लागेको हो ।

छनोटमा पुरुष र महिलाको ५-५ तौल समूह र महिला र पुरुषमा एकल कातामा प्रतिस्पर्धा गराइनेछ ।

यस्तै महासंघले छनोटमा प्रतिस्पर्धा गर्ने खेलाडीहरूको सहभागिताको प्रकृया पनि तोकेको छ ।

साफ गेम्स पदक प्राप्त भइसकेका खेलाडी, विश्व कराते महासंघ (WK) को प्रतियोगितामा सहभागी खेलाडी, एयन कराते महासंघ (AKF) को प्रतियोगितामा सहभागी खेलाडी, १३औं साफ गेम्समा बन्द प्रशिक्षणमा रहेका सबै खेलाडीहरू, छैटौंदेखि आठौं खेलकुदसम्म पदक प्राप्त खेलाडीहरू सहभागी हुन पाउनेछन् ।

यस्तै, प्रथम कृष्णप्रसाद भट्टराई स्मृति राष्ट्रिय कराते प्रतियोगितामा पदक प्राप्त  खेलाडीहरू, सर्वमान्य नेता श्री गणेशमान सिंह फाउण्डेशनको राष्ट्रिय कराते प्रतियोगितामा पदक प्राप्त खेलाडीहररु, नेपाल कराते महासंघद्वारा आयोजित गौतम बुद्ध ४८औं राष्ट्रिय कराते प्रतियोगिता पछि र हालसम्मका राष्ट्रिय कराते ५०औं राखेप. प्रतियोगितासम्म पदक प्राप्त गरेका खेलाडीले पनि प्रतिस्पर्धा गर्न पाउनेछन् ।

हाम्रो बारेमा

सम्पर्क

न्यूज फ्ल्यास साप्ताहिक पत्रिकाद्वारा संचालित
न्यूज फ्ल्यास खबर डट कम
ठेगानानेपालगंज, बाँके
मोबाईल . : ९८४८०५२०२६
मेल : newsflash1424@gmail.com

हाम्रो टिम

प्रकाशक/सम्पादक :मो. अरशद शेष राई

सोसिअल मिडिया