नेपालगन्ज । आजदेखि देशभरिका सरकारी कार्यालय खुल्ने समय एक घण्टा घटेको भएको छ । जाडोयाममा दिन छोटो हुने भएकोले बुधबार कात्तिक १६ देखि माघ १५ गतेसम्म सरकारी कार्यालयको काम गर्ने समय एक घण्टा घटेको सङ्घीय मामिला तथा सामान्य प्रशासन मन्त्रालयले जनाएको छ ।
कात्तिक १५ गतेदेखि नै सरकारी कार्यालयको समय एक घण्टा घटाइएको थियो । तर, तिहार बिदा परेका कारण आजदेखि सरकारी कार्यालयहरु बिहान १० बजे खुल्ने र बेलुका ४ बजे बन्द हुनेछन् । शुक्रबार दिन भने ३ बजेसम्म मात्र कार्यालय खुल्नेछ ।
माघ १६ देखि सरकारी कार्यालयहरू बिहान १० बजेदेखि बेलुका ५ बजेसम्म नै खुल्नेछन्।
२०७४ चैत १४ मा राजपत्रमा सूचना प्रकाशित गरेर वर्षभरी हुने सार्वजनिक बिदा र सरकारी कार्यालय खुल्ने र बन्द हुने सरकारले यस्तो नियम बनाएको थियो ।
