काठमाण्डौ । नेपाल आयल निगमले पेट्रोलियम पदार्थमा लगातार घट्दै आएको मूल्य भने यसपटक बढाएको छ । बुधबार बिहान १ बजेदेखि लागु हुनेगरि पेट्रोल प्रतिलिटर १ रुपैयाँ र डिजेल तथा मट्टितेल प्रतिलिटर ४ रुपैयाँका दरले मूल्य बढाएको हो ।
अब नयाँ मूल्य अनुसार पहिलो वर्ग :
चारआली, विराटनगर, जनकपुर, अमलेखगञ्ज, भलवारी, नेपालगन्ज, धनगढी र बीरगन्जमा पेट्रोल प्रतिलिटर १५६.५० रुपैया र डिजेल तथा मट्टीतेलको मूल्य प्रतिलिटर १४८.५० रुपैयाँ कायम भएको छ ।
त्यस्तै दोस्रो वर्ग:
सुर्खेत र दाङमा पेट्रोल प्रतिलिटर १५८ रुपैया र डिजेल तथा मट्टीतेलको मूल्यमा प्रतिलिटर १५० रुपैयाँ कायम भएको छ । यस्तै तेस्रो वर्ग: काठमाडौं, पोखरा र दिपायलमा पेट्रोल प्रतिलिटर १५९ रुपैया र डिजेल तथा मट्टीतेलको मूल्य प्रतिलिटर १५१ रुपैयाँ कायम भएको छ । भने एलपी ग्यासको मूल्य यथावत राखिएको छ ।
