मो. ताहिर शेष राई( साहिल)
नेपालगन्ज । ईस्लाम धर्मका अन्तिम प्रवर्तक पैगम्बर हजरत मोहम्मद मुस्तफा सल्ललाहु अलैहि वसल्लमको १४९९ औं जन्मजयन्तीको अवसरमा भोलि नेपालगन्जमा हर्षोल्लासका साथ जुलुसे मोहम्मदी निकालिने तयारी पूरा भएको छ ।
ईस्लामिक परम्परा अनुसार मुस्लिम समुदायले आज घर/टोल रंङ्गबिरङ्गी बत्तीले झिलिमिली गरेर दीप प्रजव्वलन गरि रात्रभरि जागरण बसि घर-घरमा मिलाद फातिहा, नात सरीफ, कुरआन पढ्ने र सामुहिक रूपमा धार्मिक कार्यक्रमहरु गरिने इस्लाम धर्मगुरु मौलाना अब्दुल जब्बार मञ्जरीले न्युज फ्ल्यास खबरलाई बताउनुभयाे ।
अरेबिक पात्रो अनुसार तेस्रो महिना रविउल्ल अवलको १२ तारिखका दिन नेपाली सहित विश्वभरिका मुस्लिम धर्मावलम्बीहरुले विभिन्न धार्मिक कार्यक्रम गरी मोहम्मद डे मनाउँदै आएका छन । हजरत मोहम्मद साहबको जन्म साउदी अरबको मक्कामा बिबी आमिनाको कोखबाट भएको हो ।
