नेपालगन्ज । बाँकेको क्षेत्र नम्बर ३ अन्तर्गत पर्ने बैजनाथ गाउँपालिकाको वडा नम्बर १ र २ मा आइतबार नेपाली कांग्रेसका उम्मेदवार अमरसिंह पुनको निर्वाचन प्रचारप्रसार समितिको सचिवालय उद्घाटन गरिएको छ ।
नेपाली कांग्रेसको तर्फबाट बाँके क्षेत्र नं ३ का प्रत्येक्ष उम्मेदवार अमरसिंह पुनसहित समानुपातिक उम्मेदवार दुखीलाल लोनियाको चुनावी प्रचारप्रसारमा समितिको औपचारिक रूपमा रिबन काटेर उद्घाटन गरिएको हो ।
आगामी फागुन २१ गते हुन् लागेको प्रतिनिधि सभाको निर्वाचनलाई लक्षित गरेर नेपाली कांग्रेसको तर्फबाट बाँके क्षेत्र नं ३ का प्रत्येक्ष उम्मेदवार अमरसिंह पुनको चुनावी प्रचारप्रसारमा तिब्रता दिइएको छ ।
सचिवालय उद्घाटन कार्यक्रममा स्थानीयहरुको सक्रिय सहभागिता रहेको थियो भने उम्मेदवारहरुले मतदातासंग भेटघाट कार्यक्रमलाई तीव्रता दिनुभएको छ । यसअघि बाँकेको जानकी, खजुरा र बैजनाथ सम्झना बजारमा निर्वाचन प्रचारप्रसार समितिको सचिवालय सञ्चालनमा ल्याइएको थियो ।
