नेपालगन्ज । नेपाल उद्योग बाणिज्य महासंघका केन्द्रीय सदस्य अब्दुल वाहिद मंसुरी (चुन्ना)लाई पितृ शोक परेको छ । नेपालगंज उद्योग बाणिज्य संघका पूर्व-अध्यक्ष समेत रहेका मंसुरीका बुवा हाजी अब्दुल अजीज मंसूरीको ७८ वर्षको उमेरमा असमायिक निधन भएको हो ।
बिगत लामो समयदेखि अस्वस्थ रहनुभएका बुवाको भारतस्थित लखनउमा उपचारको क्रममा असमायिक निधन भएको पारिवारिक स्रोतले जनाएको छ ।
पारिवारिक स्रोतका अनुसार बुवाको अन्तिम संस्कार (मिट्टी) ईस्लामिक रितिअनुसार मंगलबार दिउँसो करीब साढे १ बजे जाेहर नमाजपछि नेपालगन्ज वडा नम्बर ४ स्थित स्थानीय कब्रस्तानमा हुनेछ । धम्बोझी निवासी स्वर्गीय मंसुरीका ३ छोरा छन ।
यस दुःखद घडीमा दिवंगत आत्माको चिरशान्तिको कामना गर्दै भावपूर्ण श्रद्धाञ्जली ब्यक्त गर्दै शोक सन्तप्त परिवारजनप्रति धैर्यधारण गर्ने शक्ती मिलोस् भनि गहिरो समवेदना प्रकट गर्दै न्युज फ्ल्यास खबर डटकम परिवार अल्लाह (ईश्वर)संग प्रार्थना गर्दछ ।
