रिजवान मिर्जा✍️
नेपालगन्ज । बाँके जिल्ला अदालतमा आफ्नो सफलता पूर्वक कार्यकाल पूरा गरी अन्य जिल्लामा सरुवा भई जान लाग्नुभएका माननीय न्यायाधीशहरुलाई आइतबार विदाई गरिएको छ ।
बाँके जिल्ला अदालत बार एशोसिएशनले विदाई समारोहको आयोजना गरि माननीय न्यायाधीशहरु भिष्मराज प्रसाईं, इन्द्र बहादुर कठायत र रामाकान्त यादवलाई गम्छा, टीका र मायाको चिनो दिएर विदाई गरिएको हो ।
विदाई समारोहमा सहभागीहरुले नयाँ कार्यथलोमा जान लाग्नुभएका माननीय न्यायाधीशहरुको अगामी कार्यकाल सफल, सबल र शुभ रहोस् भनी शुभकामना व्यक्त गरेका थिए ।
बाँके जिल्ला अदालत बार एशोसिएशनका अध्यक्ष मेहरसिंह खत्रीको अध्यक्षतामा सम्पन्न विदाई समारोहमा बाँके जिल्ला अदालतका माननीय न्यायाधीशहरु, वरिष्ठ अधिवक्ताहरु र अधिवक्ताहरु लगायतको उपस्थिति रहेको थियोे ।
